स्वास्थ्य तथा जनसंख्या मन्त्रालयले केही कर्मचारीहरुको जिम्मेवारी हेरफेर गरेको छ । मन्त्री प्रदीप पौडेलले दशौं र एघारौं तहका अधिकृतहरुको जिम्मेवारी हेरफेर गरेका हुन । जसअनुसार, शहीद शुक्रराज ट्रपिकल तथा सरुवा रोग अस्पतालमा कार्यरत रहेका डा अनुप बास्तोला मन्त्रालय तानिएका छन् । यस्तै स्वास्थ्य शिक्षा सूचना तथा सञ्चार केन्द्रमा रहेका बरिष्ठ स्वास्थ्य शिक्षा प्रशासक डा भक्त केसीको मन्त्रालयको समन्वय महाशाखामा तानेर त्यहाँ उपेन्द्र ढुंगानालाई खटाइएको छ ।
बिज्ञापन
मन्त्रालयका अनुसार,गेटा अस्पतालको नेतृत्व सम्हालिरहेका डा विप्लव सापकोटालाई मन्त्रालयमा तानेर त्यहाँ सेती प्रादेशिक अस्पतालमा कार्यरत डा अशोक श्रीपाइलीलाई खटाइएको छ । यस्तै सिंहदरबार वैद्यखानाका निर्देशक डा प्रदीप केसीलाई वैद्यखानामै केन्द्रीत हुने गरी जिम्मेवारी तोकिएको छ । सो विभागको नेतृत्वमा अहिले कसैलाई पठाइएको छैन ।
बिज्ञापन
बिज्ञापन
